Vjosa Osmani dhe Albin Kurti regjistrohen bashkë në Kuvend, edhe pse ai mbrëmë u tall me Isa Mustafën

Kandidatja e LDK-së për kryeministre, Vjosa Osmani, sot është regjistruar në Kuvendin e Kosovës bashkë me kundërkadidatin e saj për kryeministër nga VV, Albin Kurti.

Kjo vjen një ditë pasi kryetari i Vetëvendosjes Albin Kurti është tallur publikisht mbrëmë me kryetarin e LDK-së Isa Mustafa, duke aktruar me mimikë dhe gjeste mënyrën se si Mustafa i është përgjigjur për pyetjen e Kurtit se kush duhet të zgjedhë i pari shortin për ndarjen e ministrive.

‘’I thash profesor, unë duhet me zgjedh i pari, tha unë i pari. I thash unë i pari, ai prapë jo unë i pari. Thash a ke një ide si të dalim prej kësaj situate. Tha nuk e di, unë zgjedh i pari, duhet. I thash mirë po e bëjmë si në tenis. Ende pa e përfundu fjalinë, tha unë do të zgjedh i pari’’, deklaroi mbrëmë Kurti, shkruan Periskopi.

Përveç kësaj, Kurti është tallur me LDK-në edhe në një moment tjetër, kur tha se ‘ata po e kërkojnë presidentin, por kanë një figurë fantome për president’. /Periskopi/