4 orë më parëViktima e dhunës seksuale po shkonte në gjykatë, dhunuesi ia vë flakën
Periskopi(6 vite më parë)
(6 vite më parë)Një vajzë 23-vjeçare nga India, viktimë e dhunës seksuale, ka vdekur në një spital në Neë Delhi nga djegiet që i pësoi pasi një grup personash, përfshirë dhunuesin e dyshuar, e lagën me kerozinë dhe ia vunë flakën përderisa ajo ishte nisur për të udhëtuar me tren për të marrë pjesë në një seancë gjyqësore […]
Ky sulm, i cili përbën rastin e dytë të dhunës së tmerrshme kundër grave në dy javët e kaluara, ka ngjallur reagime të ashpra në Indi.
Dr.Shalabh Kumar tha se vajza e dhunuar vdiq të premten pasi pësoi një sulm në zemër. “Ajo kishte pësuar djegie në 95 për qind të trupit, ndërsa mushkëritë i kishte të mbushura me tym helmues”, tha mjeku.
Kjo vajzë e kishte dorëzuar një ankesë në polici në mars të këtij viti, ku kishte raportuar se është dhunuar nën tytën e armës më 12 dhjetor të vitit të kaluar.
Sulmuesi i dyshuar fillimisht ishte burgosur, por ishte liruar javën e kaluar pasi e kishte siguruar masën e lirimit nën kushtin e dorëzanisë.
Rajoni Uttar Pradesh e ka numrin më të madh të popullsisë në Indi dhe në të kaluarën është dalluar për numrin e madh të rasteve të dhunës ndaj grave. Vetëm në vitin 2017, në këtë rajon janë regjistruar më shumë se 4200 raste të dhunës seksuale ndaj grave, shkruan “The Guardian”, transmeton Gazeta Express.
