Tirana ndez dritat për Vit të Ri, Mitrovica mbetet në terr shkaku i ndihmave që i dhuroi Shqipërisë

Mitrovica duket se ka ndihmuar Shqipërinë pas tërmetit të tmerrshëm me fondet e ndara për stolisjen e Vitit të Ri.

Për më tepër, kjo komunë ka dërguar në Durrës duket edhe buxhetin e paraparë për ndihma sociale gjatë dimrit.

“Mitrovica ka dërguar në Durrës edhe buxhetin e paraparë për ndihma sociale gjatë dimrit (dru për ngrohje etj), duke harruar se në Mitrovicë dimri për familjet e varfra është më i egër se në Durrës.” – ka shkruar Spahiu, përcjell Periskopi.

Ndërsa në anën tjetër të kufirit, ky është arsyetimi për festën që po bëhet:

“Patjetër që do të respektojmë të gjitha vështirësitë, por duhet t’iu kujtojmë të gjithëve se jeta vazhdon. Ajo që mësuam në vitin e fundit të shekullit të parë të Tiranës kryeqytet është se ne jemi të fortë kur jemi bashkë. Ne rrëzohemi shpesh po kemi vullnetin të ngrihemi shpejt”. – ka thënë kryetari i Bashkisë së Tiranës, Erion Veliaj.

Më poshtë e keni të plotë dhe të paredaktuar statusin e z.Spahiu:

Shihni paradoksin. Mitrovica e varfër ka ngelë pa dekorimet e vitit të ri ngaqë buxhetin e paraparë për këtë ka vendosë ta dhurojë për viktimat e termetit në Durrës 350 km larg. Tirana 35 km afer Durrësit feston vitin e ri me drita shumëngjyrshe. Për më tepër Mitrovica ka dërguar në Durrës edhe buxhetin e paraparë për ndihma sociale gjatë dimrit (dru për ngrohje etj), duke harruar se në Mitrovicë dimri për familjet e varfëra është më i egër se në Durrës. Kështu është kur bënë nder me fukarenjtë me para të fukarenjëve për të përfituar publicitet