Thaçi: Vrasja e Mehë Ukës mbetet një prej më misteriozeve

Presidenti i Republikës së Kosovës, Hashim Thaçi, ka kujtuar sot Mehë Ukën me anë të një postimi në Facebook, ku mes tjerash ka vlerësuar kontributin e tij të madh për lirinë tonë dhe unitetin kombëtar.

“Sot kujtojmë Heroin e Kosovës, Mehë Ukën, të cilit para 23 vjetësh i ishte inskenuar vrasja aksidentale në një pritë nga forcat serbe. Mehë Uka ishte vizionar dhe atdhetar i dëshmuar. Ai kaloi shumë vite në burg si i burgosur politik, sepse ishte gjithmonë në ballë të protestave studentore dhe çdo organizimi për lirinë e popullit tonë. Vrasja e tij mbetet një prej vrasjeve më misterioze në historinë e heronjve tanë, por i mistershëm nuk do të mbetet asnjëherë kontributi i tij i madh për lirinë tonë dhe unitetin kombëtar”, ka shkruar Thaçi