7 orë më parëTallet islami: Lideri holandez shpall konkurs për karikaturimin e profetit Muhamed
Periskopi(6 vite më parë)
(6 vite më parë)Politikani holandez që njihet për qëndrimet e forta anti-islame, Geert Wilders, ka ringjallur planet e tij për të mbajtur një garë për karikaturistë që do të karikaturonin Profetin Muhamed. Një garë e tillë ishte anuluar para një viti për shkak të frikës se do të kishte sulme në Holandë. Në një postim në Twitter gjatë […]
Një garë e tillë ishte anuluar para një viti për shkak të frikës se do të kishte sulme në Holandë.
Në një postim në Twitter gjatë të shtunës, Wilders iu bëri thirrje njerëzve që t’i dërgonin karikaturat e tyre të Muhammadit.
“Liria e shprehjes duhet të mbretërojë kundër dhunës dhe fatvave islamike,” tha lideri i partisë më të madhe opozitare në parlamentin holandez, shkruan Guardian, përcjell Periskopi.
Wildersi e kishte anuluar garën e ngjashme në muajin gusht të vitit të kaluar pasi policia kishte arrestuar një burri i cili kishte kërcënuar se do ta vriste politikanin holandez.
Në atë vakt, planet për mbajtjen e garës kishin nxitur demonstrata masive në Pakistan, me protestuesit që iu bënin thirrje vendeve myslimane që t’i shkëpusnin të gjitha lidhjet me Holandën.
Imazhet e Profetit Muhamed janë tradicionalisht të ndaluara në Islam si idhujtari. Karikaturat konsiderohen si tepër fyese.
Në vitin 2005, gazeta daneze Jyllands-Posten kishte botuar karikatura të Muhamedit që kishin shkaktuar demonstrata në të gjithë botën islame, e po ashtu kishte pasur edhe përpjekje për të vrarë ose redaktorin, ose karikaturistin Kurt Westergaard.
Dy vjet më herët, në Paris, një çift vrasësish islamist kishin vrarë dymbëdhjetë njerëz në zyret e revistës Charlie Hebdo, e cila po ashtu njihej për publikimin e karikaturave satirike të Muhamedit. /Periskopi
