Surroi thotë se Ramushi po shpenzon paratë tona ‘karate’, e kërkon Vjosa Osmanin presidente

“A keni sy e veshë?” – titullohet ky shkrim, me gjasë duke menduar për organin e dëgjimit dhe jo për veshjen.

Surroi menjëherë hidhet në sulm ndaj kryeministrit në detyrë, z.Ramush Haradinaj, e për të cilin nuk ka ndonjë fjalë të mirë.

Ajo deklaron se ky i fundit mund të jetë kryeministri i vetëm që ka shpenzuar rezervat e shtetit në stilin karate dhe pa kontroll. Në realitet ky është një keqkuptim i znj.Surroi në lidhje me këtë sport, i cili njihet pikërisht për të kundërtën e tij, për disiplinën, kontrollin e vetëpërmbajtjen.

“[Ramush Haradinaj] Është mbase kryeministri i vetëm që rezervave shtetërore u ka hyrë karate dhe pa asnjë kontroll në masën sa e ka tejkaluar edhe limitin e përcaktuar me ligj. Me vendimin e fundit, kur i shpërndau një kiamet pare, i tejkaloi rezervat e planifikuara për nja 1.2 milionë euro.” – shkruan ajo.

Më pas, ajo sulmon Lidhjen Demokratike të Kosovës dhe kërkesën e saj për pozitën e presidentit të vendit. E vetmja kandidate e pranueshme dhe konsensuale për këtë post nga kjo parti është znj.Vjosa Osmani, kandidatja për kryeministre.

Më poshtë, drejtoresha e Kohës deklaron edhe se populli “është dërrmuar deri në palcë”, duke menduar për këtë rast rrethanat socio-ekonomike të tyre. Ajo beson që me zgjedhje të reja do të dilnin humbës të gjithë. Për ta lexuar të plotë shkrimin, iu ftojmë të klikoni KËTU.