Shkencëtarët kanë krijuar pilulën kontraceptive që pihet 1 herë në muaj

Kushdo që ka marrë të paktën njëherë të vetme në jetë pilulën kontraceptive, në mënyrë të pashmangshme e di që ajo nuk duhet të harrohet asnjë ditë, sepse ndryshe nuk ka efekt! Por, me gjasë që edhe juve ju ka ndodhur që nga nxitimi ta keni lënë një ditë në shtëpi, ose në makinë ose në zyrë dhe atë ditë nuk e keni pirë fare. Pilula kontraceptive është forma më e popullarizuar e kontracepsionit në Mbretërinë e Bashkuar dhe në botë! Sipas statistikave, nëntë në dhjetë gra e kanë marrë atë. Por, një pilulë e munguar e prish të gjithë rendin e mbrojtjes dhe rrit rrezikun e shtatzënisë, përveç efekteve të mundshme anësore si hemoragjia ose periodat e parregullta!

Këtë javë, studiuesit në Harvard Medical School dhe Massachusetts Institute of Technology kanë publikuar gjetjet e tyre paraprake mbi një lloj të ri të pilulës kontraceptive, të botuar në revistën Science of Translational Medicine. Dallimi kryesor? Duhet të merret vetëm një herë në muaj.

Hulumtimi, i financuar nga fondacioni Bill And Melinda Gates, përdori një sistem të dorëzimit të ilaçeve në formë ylli, i cili lëshon një fluks të qëndrueshëm të hormoneve kontraceptive gjatë gjithë muajit. Pilula është e madhe dhe ajo është në gjendje të kalojë nëpër stomak si ushqim normal, dhe kështu mbetet atje për tre javë derisa të lëshojë të gjitha hormonet.

Ndërsa është ende të flitet për rezultate, e gjithë kjo shënon një zhvendosje monumentale në opsionet kontraceptive, duke u siguruar grave më shumë zgjedhje se kurrë më parë.