2 orë më parëReagon Bulliqi: LDK ka refuzuar postin e kryeparlamentarit dhe presidentit
Periskopi(6 vite më parë)
(6 vite më parë)Ish-deputeti i Lidhjes Demokratike të Kosovës, Shpejtim Bulliqi, ka thënë se LDK’ja ka lëshuar një shans që e ua ka ofruar kryetari i Lëvizjes Vetëvendosje, Albin Kurti. Bulliqi thotë se LDK’ja ka refuzuar ta marrë postin e kryeparlamentarit, atë të presidentit në mënyrë që ta japin Ministrinë e Punëve të Brendshme. “Kryesia e LDK-së, për […]
“Kryesia e LDK-së, për shkak të interesave të ngushta, e ka lëshuar një shans fantastik që ua ka ofruar Albini. Kanë refuzuar ta marrin edhe Kryeparlamentarin edhe Presidentin e ta japin Ministrinë e Brendshme!”, ka shkruar Bulliqi.
Nesër do të mbahet seanca inauguruese e legjislaturës së shtatë në Kuvendin e Kosovës, në të cilën do të dështojë formimi i qeverisë për shkak VV’ja dhe LDK’ja ende nuk kanë arritur një marrëveshje.
Kryesia e Lidhjes Demokratike të Kosovës do të mblidhet nesër, pak para seancës ku pritet konstituimi i Kuvendit.
Lideri i Lëvizjes Vetëvendosje, Albin Kurti, përmes një videoje të titruar, ka njoftuar zyrtarisht se s’ka marrëveshje për bashkëqeverisje me LDK’në dhe se kjo parti i ka refuzuar edhe ofertën e fundit që Kurti thotë se ua ka bërë me 23 dhjetor.
Ndërsa kreu i LDK’së, Isa Mustafa, ka thënë se negociatat nuk kanë dështuar.
“Për LDK-në dhe për mua, negociatat nuk kanë dështuar. Ka dështuar strategjia e Vetëvendosjes për ta siguruar para publikut epitetin e palës parimore dhe gjeneroze në negociata dhe për t’ia hedhur fajin LDK-së”, thotë Mustafa,
