Putin shfrenohet egërsisht ndaj Polonisë, quan ish ambasadorin “m*t” dhe “derr anti-semit”

Vladimir Putin shfrenohet ndaj ambasadorit polak: “M*t”, “thi anti-semit”

Presidenti i Rusisë, Vladimir Putin, ka pretenduar se Polonia ishte anti-semite dhe se ka bashkëpunuar me Adolf Hitlerin në një argument kundër rezolutës evropiane që pjesërisht e fajëson Bashkimin Sovjetik për Luftën e Dytë Botërore.

Putin në një takim me gjeneralët kryesorë tha se rezoluta e fundit e Parlamentit Evropian që fajëson paktin e Bashkimit Sovjetik të vitit 1939 me Gjermaninë Naziste për shpërthimin e luftës pak ditë më vonë ishte “një budallallëk i plotë”.

Z.Putin e quajti traktatin “Molotov-Ribbentrop” si një lëvizje që Bashkimi Sovjetik ishte i detyruar ta bënte pasi edhe vende të tjera evropiane kishin nënshkruar marrëveshje jo-agresioni me Hitlerin, shkruan Independent, përkthen Periskopi.

Ai tha se marrëveshja e arritur në vitin 1938 për të lejuar aneksimin e Çekosllovakisë nga Hitleri ishte një shembull i “bashkëpunimit” të Perëndimit me liderët nazistë, para se të fokusohej në sulmet kundër Polonisë.

Z.Putin paraqiti disa dokumente të arkivës që pretendonte se shfaqnin ambasadorin polak në Berlin duke lavdëruar planet e Hitlerit për deportimin e hebrejëve nga Evropa.

Duke shpërthyer me zemërim, ai e quajti ambasadorin në fjalë “m*t” dhe “derr antisemit”.