Presidenti Thaçi: S’ka hatërmbetje për refuzimet e Albin Kurtit, e mirëpres të hënën në orën 15:00 (Video)

Presidenti i Kosovës, Hashim Thaçi në konferencën e fundvitit me gazetarë tha se viti 2019, ishte vit i progresit. Ndër proceset e rëndësishme, ai ka përmendur edhe zgjedhjet e 6 tetorit. Mes tjerash, presidenti Thaçi tha se ‘qytetarët kanë folur dhe është përgjegjësi e partive politike të marrin përgjegjësinë që kanë marrë’.

“Tani qytetarët kanë folur dhe partitë politike duhet të lëvizin konform përgjegjësive që kanë marrë nga qytetarët. Kemi pasur ballafaqime dhe sfida jo të lehta, por mendoj se ato do të tejkalohen edhe në të ardhmen”, ka deklaruar Thaçi, përcjell Periskopi.

Ai ka folur edhe për takimin me Albin Kuritn, të cilin thotë se e pret të hënën në orën 15:00 në zyrën e tij.

Është obligim kusshtetues i Presidentit të vendit, që t’i drejtohet Kuvendit të Republikës një herë Brenda vitit. Me dëshirën më të madhe do të shkoja në parlamentin e Kosovës, por për fat të keq aktualisht nuk kam kujt t’i drejtohem. Pres që në kuadër të kompetencave dhe respektimit të ligjit, në javët e para të janarit të kemi funksionalizimin e Kuvendit dhe t’i drejtohem deputetëve.

“Unë mirëpres faktin që pas ftesës së tretë, zoti Kurti ka pranuar, pra i është përgjigjur ftesës sime, kështu që ditën që është pajtuar zoti Kurti, do ta pres në orën 15:00 në zyrën time”, ka thënë ai.

“Ne kemi përgjegjësi institucionale, mirësevjen në ditën që ka propozuar, në orën 15:00, ne s’kemi hatrime”, ka thënë Thaçi.

“Në veçanti procesin elektoral që ka kaluar Kosova, të gjitha komunitetet në vend kanë krijuar standard të lartë perëndimor, ky progress që ka shënuar Kosova më 2019, ju takon edhe juve që keni dhënë një kontribut të madh kështu që do të doja të iu falënderoja.  Dua të theksoj se viti 2019, ka qenë vit i progresit të mirë mund të them në të gjitha rrafshet, qoftë në reforma demokratike, të zhvillimit ekonomik, të rendit dhe ligjit, forcimit të demokracisë civile në Kosovë dhe gjithashtu orientimit eruo atlantik të vendit, forcimit të Ushtrisë së Kosovës, organizimi i zgjedjheve të parakoheshme, një organizim i përëshëndetur nga të gjithë partnerët tonë. Edhe partitë politike kanë treguar një kulturë të lartë demokratike, mendoj që duhet të vlerësohet nga të gjitha”, ka thënë ai./Periskopi/

https://www.facebook.com/periskopi/videos/830084694079120/