6 orë më parëPërçudnimi i ministrive: MASHTKR-ja në një anë dhe Shëndeti e Sporti në tjetrën
Periskopi(6 vite më parë)
(6 vite më parë)Video-mesazhi i mbrëmshëm i z.Albin Kurti në të cilën tregonte për dështimin e marrëveshjes, por në anën tjetër kërkonte negociata shtesë zbardhi edhe disa pika mjaft të çuditshme të negociatave me LDK-në. Në pikën 3 të ofertës, VV thjesht shpreh pajtimin me një kërkesë të përçudshme të LDK-së në lidhje me ministritë. Paraprakisht duhet të […]
Në pikën 3 të ofertës, VV thjesht shpreh pajtimin me një kërkesë të përçudshme të LDK-së në lidhje me ministritë.
Paraprakisht duhet të kujtojmë se këto dy parti janë pajtuar që numri i ministrive në qeverinë e re të reduktohet në vetëm 12, në mënyrë që të reduktohen shpenzimet qeveritare dhe të rritet efektshmëria, shkruan Periskopi.
Shumë analistë kanë deklaruar se reduktimi është i tepërt, duke thënë se 15 dhe jo 12 do të kishte qenë numri më adekuat i ministrive.
Dhe, duke qenë se numri mbeti 12, duket se në negociatat VV-LDK e kanë bërë lëmsh secilën ministri.
Pika 3 e ofertës së Vetëvendosjes ishte në fakt thjesht pajtimi i kërkesës së LDK-së për ndarjen e ministrive.
“Pika 3: Sipas kërkesës së LDK-së, ministria e Kulturës, Rinisë dhe Sportit ndahet me ç’rast Kultura dhe Rinia i kalojnë ministrisë së Arsimit, Shkencës, Teknologjisë dhe Inovacionit, ndërkaq Sporti i kalon ministrisë së Shëndetësisë. Pakicat joserbe e marrin ministrinë e Zhvillimit Rajonal ose atë të Pushtetit Lokal, kurse pakica serbe ministrinë për Komunitete”
Kjo parti politike që udhëhiqet nga LDK-ja praktikisht e shpërbënte Ministrinë e Kulturës, Rinisë dhe Sporteve. Kultura e Rinia do të bëhej bashkë me Ministrinë e Arsimit, Shkencës dhe Teknologjisë duke u bërë një zgjatim i jashtëzakonshëm “Ministria e Arsimit, Shkencës, Teknologjisë, Rinisë dhe Kulturës”.
Çka ndodh me sportin, ndërkohë? Kjo është edhe më e çuditshme. Sporti do të bashkohet me një ndër ministritë më problematike të pasluftës, atë të Shëndetësisë.
Nuk dihet se në bazë të çfarë kriteresh po bëhen ndarjet e ministrive, por një gjë e tillë mund të ketë implikime shumë serioze në punën e çdo qeverie në të ardhmen.
Iu kujtojmë se Ministrinë e Shëndetësisë me të sportit e kanë edhe vende të tjera, psh Mjanmari [Myanmar] e Holanda.
Po ashtu, publikimi i kësaj kërkese si Pika 3 nga z.Kurti duket mjaft i palogjikshëm dhe mund të jetë bërë thjesht për ta tallur partinë e drejtuar nga Isa Mustafa. /Periskopi
