Osmani: I thashë Kurtit ta shtyej seancën edhe për një javë, ai nuk pranoi

Nënkryetarja e LDK-së, Vjosa Osmani e ftuar në Pressing deklaroi se para fillimit të konstituuimit të Kuvendit ka tentuar të flasë me deputetët e VV-së, meqenëse nuk dinin asgjë në lidhje me propozimin për kryetarin e Kuvendit por që nuk ka arritur të flas me asnjërin prej tyre.

Tutje, ajo tha se vetëm me Kurtin ka folur shkurtë dhe ka marrë një ”Jo” nga lideri i VV-së.

‘’Që pardje ka filluar njëfar lloj shpallje e dështimit të negociatave. LDK mbajti qëndrim që mund të diskutojmë për çështjen e formulës së presidentit. Nëse asnjë nga këto nuk ec përpara atëherë jemi gati të mos bllokohen institucionet. Kur shkuam në Kuvend tentuam të marrim vesh se çka do të ndërmerr VV për kryetarin e Kuvendit, tentuam t’i pyesim deputetët, asnjëri nuk foli. Sygjerimi im për zotëri Kurti ishte që propozimi i kryetarit të Kuvendit të shtyhet për një javë. Ishim optimist që të arrihej marrëveshja. Kurti tha jo.‘’

Kujtojmë se VV dje në seancën e konstituuimit ka propozuar për kryetar të Kuvendit Glauk Konjufën i cili është zgjedhur me 75 vota./Perskopi/