2 orë më parëMustafa ‘shah-mat’ Kurtit: LDK-ja e voton qeverinë e tij dhe s’kërkon asnjë post
Periskopi(6 vite më parë)
(6 vite më parë)Kryetari i Lidhjes Demokratike të Kosovës sapo doli nga mbledhja me kryesinë e partisë së tij bëri një lëvizje jashtëzakonisht të mençur duke e vendosur në defanzivë kryetarin e Lëvizjes Vetëvendosje, Albin Kurtin i cili mbrëmë përmes një video-mesazhi e kishte vendosur në një pozicion të ngushtë. Mustafa specifikisht shprehu qëndrimin e LDK-së sa i […]
Mustafa specifikisht shprehu qëndrimin e LDK-së sa i përket ndarjes së përgjegjësive [pushtetit] duke treguar se kjo parti ishte e interesuar për një balans qeveritar mes partive që do të reflektonte edhe rezultatin e zgjedhjeve të 6 tetorit, përcjell Periskopi.
Por, Mustafa bëri lëvizjen e tij menjëherë në fjalinë në vijim.
“Nëse Vetëvendosja nuk i pranon këto kushte tonat, atëherë për interes të vendit, LDK-ja me 28 deputetët e saj do të votojë Albin Kurtin si kryeministër por duke hequr dorë nga të gjitha pozitat instituciale,” deklaroi z.Mustafa.
Kujtojmë se mbrëmë edhe z.Kurti kishte paraqitur ofertën e tij për këtë parti, por e cila ishte refuzuar nga LDK-ja me arsyen se e disbalanconte pushtetin mes dy partive qeveritare.
Kurti gjatë ditës së djeshme kishte vendosur gjithë presionin te LDK-ja përmes publikimit të ofertës, por tashmë gjërat kanë ndërruar radikalisht me Mustafën që bën një lëvizje mjaft të guximshme duke u zotuar për votim të qeverisë.
Mbetet të shihet nëse z.Kurti do të pranojë ofertën e LDK-së për pushtet të balancuar, apo do të pranojë që të votohet nga LDK-ja si kryeministër duke mos iu dhënë asnjë pozitë institucionale./Periskopi
