Matoshi: Albini nuk merret me PISA-n dhe analfabetët por me të drejtat e punëtorëve të leshit në Manchester

Kurti në një deklaratë të çuditshme në profilin e tij në Facebook kishte shënuar 71 vjetorin e Deklaratës Universale të të Drejtave të Njeriut, duke thënë që “Njeriu ishte bërë 71 vjeç”.

Në fakt, në shumë Kushtetuta kombëtare edhe para 10 dhjetorit të vitit 1948 ekzistonin të drejtat e Njeriut, dhe postimi i z.Kurti dukej paksa i pavend.

Por, Matoshi ka sulmuar ashpër Kurtin, duke e nënkuptuar si “anti-amerikan” dhe duke e lidhur me “ideologjinë komuniste”.

“Si komb i vogël, me e mbrojtë lirinë, sovranitetin dhe territorin kushtetues të Republikës së Kosovës dhe me e ndërtu nji sistem adekuat të arsimit, âsht punë e jona.” – qorton z.Matoshi.

“Përderisa ky Perëndim e ka çliru Kosovën nga fashizmi serb, që ishte në thelb nji nacionalsocializëm, kujt i ka mbetë me u çu kundër imperializmit sot, që nuk ka një shpjegim adekuat etimologjik për kushtet e posthistorisë.” – shkruan më tej, Matoshi.

Më poshtë e keni statusin e plotë e të paredaktuar të z.Matoshi:

Albini nuk do të merret me PISA dhe analfabetët funksional në sistem, po me të drejtat e punëtorëve të “Fabrikës së leshit” në Manchester!?

Deklarata Universale e të Drejtave të Njeriut âsht nji spektër të drejtash dhe lirishë mbi të cilat sot funksionojnë vetëm demokracitë Perëndimore.

Magna Carta e njerëzimit, nuk âsht shkru as orientu kundër imperializmit, porse kundër kushteve skllavnuese të disa njerëzve karshi do tjerë njerëzve.

Me u çu sot kundër imperializmit, pos që âsht identifikim me ideologjinë komuniste (vendçe: enveriste!?) që luftonte n’dy fronte ‘imperializmin amerikan dhe socialimperializmin sovjetik’ në emën të Magna Carta-s, âsht poasht nji term i rrëshqitshëm, ose spakut âsht mendjelehtësi e s’âsht hiç punë për ne, sepse jetojmë në nji botë në lëvizje, në raporte ekonomike PostSmithiane.

Si komb i vogël, me e mbrojtë lirinë, sovranitetin dhe territorin kushtetues të Republikës së Kosovës dhe me e ndërtu nji sistem adekuat të arsimit, âsht punë e jona.

Përderisa ky Perëndim e ka çliru Kosovën nga fashizmi serb, që ishte në thelb nji nacionalsocializëm, kujt i ka mbetë me u çu kundër imperializmit sot, që nuk ka një shpjegim adekuat etimologjik për kushtet e posthistorisë. Apo Albini e përdor termin simas konceptot ideologjik me të cilin Kina, Kuba, Koreja e Verit, Venezuela dhe disa vende arabe e identifikojnë me ShBA-në. Po. nëse e narrim për bazë definimin në fjalorin e Merriam-Webster, Inc. Amerika sot âsht i vetmi shtet imperialist!

Dhe kryeministri potencial i vendit, Albin Kurti, ia paska mësy me e çrrënjosë!?