2 orë më parëMaliqi për Periskopin: Nëse s’ka marrëveshje VV-LDK, mund të mobilizohet PAN-i dhe t’i fitojë zgjedhjet
Periskopi(6 vite më parë)
(6 vite më parë)Lëvizja Vetëvendosje dhe Lidhja Demokratike e Kosovës, ende nuk kanë finalizuar marrëveshjen për koalicionin e ardhshëm qeverisës. Ajo çfarë është kumtuar deri tani në media nga të dy partitë është se posti i Presidentit të cilin po e kërkon LDK-ja është çështja për të cilën të dy partitë nuk po munden të merren vesh. Por […]
Lëvizja Vetëvendosje dhe Lidhja Demokratike e Kosovës, ende nuk kanë finalizuar marrëveshjen për koalicionin e ardhshëm qeverisës.
Ajo çfarë është kumtuar deri tani në media nga të dy partitë është se posti i Presidentit të cilin po e kërkon LDK-ja është çështja për të cilën të dy partitë nuk po munden të merren vesh.
Por analisti kosovar Shkëlzen Maliqi, i ka thënë Periskopit se LVV e LDK kanë përgjegjësi ndaj votuesve të tyre, të cilët votuan për ndryshim.
Sipas Maliqit është Lëvizja Vetëvendosje ajo e cila do të bëjë kompromis në ngërçin e krijuar, për t’ia lënë kështu mundësinë LDK-së që të propozojë emrin e Presidentit, por në një moment tjetër, më vonë.
“Opsioni i parë është, ajo që është pritur edhe me herët, arritja e kompromisit rreth postit të Presidentit në moment të fundit. Mendoj se zgjidhja më e afërt është që LDK-së t’i pranohet e drejta me e propozua Presidentin, por më vonë kur afrohet koha për zgjedhjen e Presidentit të ri”, ka thënë Maliqi.
Ai ka thënë se dështimi i arritjes së marrëveshjes për koalicion, do të rrezikonte që vendi të shkojë sërish në zgjedhje. Sipas tij, edhepse LVV shprehet e sigurt se në rast të shkuarjes në zgjedhje do të dalë fituese, ata duhet ta marrin për bazë edhe mobilizimin e partive të ish-PAN-it.
“Edhepse ka disa zëra në LVV-së që janë të bindur se fitorja në zgjedhjet e përsëritura do të jetë edhe me bindëse. Po të arsyeshmit i kanë drojën mobilizimit të partive të PAN-it. Mendoj se në moment të fundit sot ose nesër do të arrihet pajtimi dhe s ‘do të jetë nevojë për eksperimente”, ka deklaruar Maliqi.
“Nëse e kanë harmonizu programin qeverisës nuk do të kenë problem me e zgjedh një President me përkrahje më të gjerë, edhe të opozitës, pas 14 a 16 muajsh”, ka theksuar ai.
Kujtojmë se nesër është thirrur seanca konstituive e Kuvendit të Kosovës. Ndërkohë LVV dhe LDK nuk kanë arritur ndonjë marrëveshje. Madje, kryetarët e të dy partive nuk kanë caktuar ndonjë takim, në vazhdën e takimeve për finalizim të marrëveshjes për bashkëqeverisje.
Dje kryetari i LDK-së, Isa Mustafa ka thënë se po pret që Albin Kurti t’a thërrasë në takim dhe se ai është i gatshëm për t’iu përgjigjur pozitivisht ftesës së Kurtit./Periskopi/
