4 orë më parëKurti mbron Ramën pas takimit me Vuçiqin: Jemi një popull, nuk duhet të konfrontohemi
Periskopi(6 vite më parë)
(6 vite më parë)Kryetari i Lëvizjes Vetëvendosje dhe njeriu që pritet të bëhet kryeministër i vendit, Albin Kurti, ka bërë një postim në rrjetin social Twitter në gjuhën angleze pas zhurmës së madhe mediatike që prodhoi takimi për “MiniSchengenin” në Tiranë. Edi Rama u sulmua ashpër për dorështrëngimin e tij me presidentin serb nga një pjesë e opinionit […]
Edi Rama u sulmua ashpër për dorështrëngimin e tij me presidentin serb nga një pjesë e opinionit publik, e cila e shihte veprimin e tij si anti-patriotik.
Kryeministri i Shqipërisë në mënyrë të përsëritur i kishte bërë thirrje Prishtinës zyrtare që të shkonte në samit, ku do të merrnin pjesë edhe liderët e vendeve fqinje, Serbisë, Malit të Zi dhe Maqedonisë së Veriut, shkruan Periskopi.
Por, Kurti nuk është bashkuar me njerëzit që e kanë sulmuar ashpër Ramën, duke thënë se “Ne [shqiptarët] jemi dhe gjithmonë do të jemi një popull dhe askush nuk mund të na ndajë.”
Më poshtë keni reagimin e plotë nga z.Kurti, i cili ashtu si Thaçi dhe Haradinaj kishte kundërshtuar pjesëmarrjen e Kosovës në samitin në fjalë:
“Parimet e gjithëpërfshirjes dhe reciprocitetit duhet të na çojnë në iniciativa rajonale. Rruga nga Beogradi në Tiranë kalon përmes Prishtinës. Ne jemi dhe gjithnjë do të jemi një popull dhe askush s’mund të na ndajë. Na duhet më shumë bashkëpunim, dhe jo konfrontim!” – deklaroi Kurti.
