4 orë më parëKurti: Ligji për Paga duhet të ndryshohet
Periskopi(6 vite më parë)
(6 vite më parë)Kryetari i Lëvizjes Vetëvendosje, njëherësh kandidat për kryeministër të vendit, Albin Kurti ka komentuar grevat e punëtorëve shëndetësorë, të arsimit por edhe policisë. Ai ka thënë se si deputetë e as si qeveri nuk mund të ndërhyjnë në vendimet e Gjykatës Kushtetuese, por ka shtuar se do t’i adresojnë të gjeturat në aktvendimin përfundimtar të […]
Kryetari i Lëvizjes Vetëvendosje, njëherësh kandidat për kryeministër të vendit, Albin Kurti ka komentuar grevat e punëtorëve shëndetësorë, të arsimit por edhe policisë.
Ai ka thënë se si deputetë e as si qeveri nuk mund të ndërhyjnë në vendimet e Gjykatës Kushtetuese, por ka shtuar se do t’i adresojnë të gjeturat në aktvendimin përfundimtar të kësaj gjykate.
“Më vjen shumë keq që ndodhemi në këtë situatë. Ligji i ri për paga pat lënë shumë njerëz të pakënaqur. Mirëpo tash edhe ata që u patëm gëzuar u bën të pakënaqur. Ne si as deputetë as si qeveri nesër nuk mund t’i dalim përball vendimit të Gjykatës Kushtetuese dhe jemi në pritje të aktgjykimit të Gjykatës Kushtetuese me ç’rast të gjitha ato që do të thuhen aty do t’i adresojmë”, tha ai.
Kurti ka thënë se Ligji aktual për paga ka mangësi dhe si i tillë duhet të ndryshohet dhe plotësohet, në mënyrë që të eliminohen padrejtësitë.
“Përndryshe unë besoj që kemi nevojë për një projektligj të ri që e plotëson dhe ndryshon këtë aktualin në mënyrë që pabarazitë e ngelura të eliminohen. Le të mos harrojmë që edhe me këtë Ligjin e ri të pagave shoferi i kryeparlamentarit e ka pagën më të madhe se të drejtorit të shkollës”, tha ai./eo/
