Kurrë nuk ka pasur më shumë tradhti në lidhje dhe martesa, e gjitha fillon në të njëjtin vend

Nuk themi që më herët nuk ka pasur tradhti, mirëpo është fakt që sot njerëzit shumë më lehtë krijojnë lidhje me njëri-tjetrin dhe pikërisht kjo lidhje është shkaku kryesor përse ka kaq shumë tradhti, transmeton Telegrafi.

E gjitha fillon në rrjetet shoqërore nëpërmjet të cilave mund të kontaktoni këdo qoftë në cilëndo kohë.

Konkretisht fjala është për rrjetin shoqëror Facebook, që është karakterizuar si vendi nga i cili më së shpeshti fillojnë tradhtitë.

Studimi i cili është bërë në Britani ka konstatuar që madje 45 për qind e meshkujve së paku një herë në jetë ka tradhtuar të dashurën apo bashkëshorten.

Nuk është për t’u injoruar as numri i femrave të cilat kanë pranuar që ka pasur episode tradhtie, 21 për qind e tyre.

Detektivi privat nga Australia, Luke Evans, tashmë njëzet vjet gjen partnerë të pabesë dhe konstaton që dashnorët potencialë më nuk takohen nëpër bare, por në Facebook.

– Sot në Facebook nisin pothuajse të gjitha tradhtitë. Ashtu siç janë të lidhur njerëzit, po ashtu edhe krijohen edhe më shumë raste për tradhti, ka thënë detektivi për Daily Mail.