Kallet Iraku: Protestuesit thyejnë dyert dhe futen brenda Ambasadës Amerikane (Foto)

Në atë vend mund të shiheshin flakët dhe tymi sipas Associated Press, ndërsa dëgjoheshin të shtëna armësh dhe sirena.

Nuk kishte asnjë konfrontim nga zyrtarët irakianë apo amerikanë, por kjo ndodhi pason orët kaotike pas raportimeve për sulmet amerikane ndaj milicias irakiane të mbështetur nga Irani.

Reutersi, duke cituar një zyrtar anonim të punëve të jashtme, pretendoi se stafi i ambasadës dhe ambasadori amerikan në Bagdad ishin evakuar, ndërsa qindra protestues u futën brenda, përcjell Periskopi.

Zyrtarët amerikanë ende nuk kanë konfirmuar lajmet mbi raportimet se stafi është evakuar, por ata edhe më herët kanë qenë shumë të shqetësuar mbi sigurinë diplomatike që nga bomba në veturë që kishte shpërthyer në vitin 1983 duke shkatërruar misionin amerikan në Beirut, dhe po ashtu bombave në ambasadat e këtij vendi në Keni dhe në Tanzani më 1998.

Tashmë shumëçka është e pasigurt. Nga pamjet e Al Jazeeras shihen protestuesit duke thyer dritaret e ambasadës. /Periskopi