Huqje epike nga ekonomisti i VV-së: Nuk e di as çfarë sistemi politik ka Kosova

Por, Murati që duket se është edhe adhurues i boksit të peshave të rënda, ka bërë një huqje prej një nxënësi simpatik të shkollës fillore.

Duke komentuar ndeshjen e mbrëmshme mes Anthony Joshuas dhe Brian Ruizit, e fituar nga i pari me vendim unanim nga gjyqtarët, ai ka treguar se nuk ia ka idenë për sistemin politik në Kosovë.

Ai është munduar të tallet me kërkesën e LDK-së për marrëveshjen, duke treguar se sa ‘absurde” do të ishte sikur Vetëvendosje si e para të këmbente pozicionin negociues me LDK-në që doli e dyta.

Por, Murati mendon se pozita e parë në zgjedhjet e 6 tetorit nënkupton vetvetiu edhe pozitë fituese, çka nuk përshkruhet në asnjë rast nga Kushtetuta e Republikës së Kosovës. Kosova ka sistem parlamentar politik, dhe janë deputetët e Kuvendit të Kosovës ata që zgjedhin Qeverinë e Re, Kuvendin dhe autoritetet e tjera relevante.

Partia e parë, në mënyrë që të krijonte e vetme qeverinë [dhe të merrte ‘titujt’ si Joshua], do të duhej që t’i fitonte të paktën 61 deputetë, ndërsa Vetëvendosje i ka vetëm 28, ose katër deputetë më pak se në zgjedhjet e vitit 2017.

Joshua nuk e ka për detyrim që të bëj marrëveshje në lidhje me titujt e fituar si kampion bote, ndërkohë që Vetëvendosje do të jetë e detyruar që të bëj marrëveshje me njërën prej partive shqiptare dhe me partitë dhe deputetët e pakicave për të formuar qeverinë.

Më poshtë e keni të plotë reagimin e z.Murati për të cilin do të meritonte qortim nga lideri i tij, Albin Kurti:

OK!

Joshua doli i pari me pike, megjithese ky rezultat kaq i ngushte eshte pothuajse i barabarte dhe fituesi eshte relativ.

Nisur nga kjo, nuk eshte e drejte qe i pari te marre gjithcka, kurse i dyti te mbetet pa asgje.

Prandaj, per te balancuar palet, do te duhej qe i pari te merrte titullin dhe brezin, ashtu sic e thashe ne fillim, kurse i dyti te marre parate e meçit.

Nese kjo i duket pak te parit, le t’e zgjedhe parate ndersa titullin t’ia jape te dytit.