Hoxha i papunë komplekson të kërcënuarit: Publikon 8 kërcënime përnjëherë

Kurti u kërcënua nga një anëtar i Nismës Socialdemokrate duke u krahasuar me presidentin amerikan të vrarë, John F. Kennedyn dhe fatin e tij tragjik.

Për kërcënime raportuan edhe të tjerë, si Haki Abazi i VV-së dhe Lutfi Haziri i LDK-së.

Vite më parë, edhe presidenti aktual që është kryeministër ishte kërcënuar nga aktivisti Rron Gjinovci, i cili kishte deklaruar se “vrasja e tij nuk ishte krim, por akt patriotik”, përkthen Periskopi.

Por, hoxha që u la i papunë nga Bashkësia Islame e Kosovës për shkak të bindjeve të tij, tash e shumë muaj përballet me një gjuhë të tmerrshme urrejtëse e kërcënuese.

https://www.facebook.com/permalink.php?story_fbid=1038758929819437&id=100010560199209

Ai së fundi ka publikuar disa fotografi të mesazheve të tmerrshme që ka marrë, duke thënë se “shumica e atyre që shajnë dhe kërcënojnë të tjerët, ngjasojnë në tufën e qenve endacakë, të cilët kur shohin një të panjohur, lehin dhe e sulmojnë.”

Ai ka kërkuar falje për mesazhet e ndyta. Ndërkohë edhe Periskopi vazhdimisht po përballet me kërcënime e sulme mbi artikujt e ndryshëm, disa prej të cilëve madje të përkthyer nga mediat prestigjioze ndërkombëtare e që nuk kanë të bëjnë asgjë me qëndrimet tona redaktorialë.

Ndërsa Policia e Kosovës vazhdon të mbetet mjaft ngurruese për t’u marrë me këto raste. Se kjo polici është selektive u dëshmua edhe me arrestimin e anëtarin e Nismës, edhe pse kërcënimi i tij nuk ishte direkt, ndërkohë që sulmet e panumërta ndaj Periskopit e mediumeve tjera, ose personaliteteve tjera të papërfshira në skenën politike, mbesin krejtësisht të patrajtuara.