4 orë më parëHeroizëm i paparë: Edhe pse iu rrezikohet jeta, policia në Zelandë vazhdon kërkim-shpëtimin
Periskopi(6 vite më parë)
(6 vite më parë)Vullkani i tmerrshëm që shpërtheu ditën e hënë në Ishullin e Bardhë [ang.White Island] në Zelandë të Re ka lënë deri tash 8 persona të vdekur. Por, policia e këtij vendi po vazhdon kërkim-shpëtimin në kushte të tmerrshme. Ende disa trupa personash që besohet se janë të vdekur në Ishullin e Bardhë po kërkohen për […]
Ende disa trupa personash që besohet se janë të vdekur në Ishullin e Bardhë po kërkohen për t’u larguar nga aty.
Ekipet e shpëtimit do të shkojnë në këtë zonë, pavarësisht rrezikut të ndonjë shpërthimi tjetër, ka thënë policia e këtij vendi, përcjell Periskopi.
“E sotmja është më pak e sigurt se e djeshmja dhe dita para saj. Dhe e nesërmja do të jetë edhe më pak e sigurt.” – ka thënë eksperti për vullkane, Graham Leonard.
Trupat e të paktën tetë personave besohet se kanë mbetur në këtë ishull, pas shpërthimi të së hënës dhe supozohet se të gjithë janë të vdekur.
Edhe familjet e viktimave janë tejet të shqetësuara për nxjerrjen e trupave.
“Ne jemi duke jetuar me një ndjenjë të dëshpërimit në rritje për të kthyer në shtëpi ata që e dimë se janë aty”, u ka thënë kryetarja Judy Turner gazetarëve.
“Zemërimi i këtyre familjeve të prekura është plotësisht i kuptueshëm”, është shprehur mes tjerash ajo./Periskopi
