Haradinaj: Po vërehet lëvizje e shtetasve rusë, secili polic të jetë vigjilent

 Kryeministri në detyrë Ramush Haradinaj ka kërkuar vigjilencë nga Policia e Kosovës, për shkak të siç thotë ai, prezencës së shtetasve rusë në Kosovë.

Kryeministri në detyrë, Ramush Haradinaj, tha se policia ka mbuluar vakuumin në rendin publik dhe siguri, ai bëri thirrje qytetarëve që t’i besojnë këtij institucioni.

“Është me rëndësi që Kosova ka qenë e kujdesshme dhe e ka kthyer në fokus gjendjen e Policisë si orët shtesë e pagat që janë kyçe për integritetin profesional e familjarë”.

“Ju bëjë thirrje qytetarëve pa dallim përkatësive t’i besojnë Policisë pasi është garanci për jetë të qetë. Policia ka mbuluar vakuumin më të madh të mundshëm në rendin publik po edhe në siguri”.

“Ligji për pensionet sigurime shëndetësore ende na pret punë, secili qytetarë është meritor që i beson Policisë së Kosovës për suksesin”.

Haradinaj tha se është vërejtur kohëve të fundit lëvizje të shtetasve rusë dhe për të secili polic duhet të jetë vigjilentë, raporton eo.

“Në të kaluarën e kemi pasur rrezik të terrorizmin por të mos harrojmë edhe ndikimin ris kohëve të fundit kemi pasur, lëvizje të shtetasve rusë prandaj çdo polic duhet të jetë vigjilent”.