Gjuriqi për takimin me Sveçlën: Unë gjithnjë e mbrojë Kosovën si pjesë të Serbisë

I ashtuquajturi drejtor për Kosovën në qeverinë serbe, Marko Gjuriq, ka folur për fotografinë e shumëpërfolur në fundjavë, ku ai u pa afër zyrtarit të Vetëvendosjes, Xhelal Sveçla.

Gjuriq thotë se ‘ka qenë një gjë e mirë që ishte në Tiranë’ dhe se ‘është një gjë e mirë të flasë me ata të cilët qytetarët serbë edhe e paguajnë për këtë’.

“Unë kam qenë pjesëmarrës në mbi 200 takime ku kam mbrojtur Serbinë dhe Kosovën si pjesë e saj. Kjo nuk është diçka që kënaqem por është puna ime ta bëj këtë dhe ju më paguani për këtë”, ka thënë Marko Gjuriq, përkthen Periskopi.

Ndryshë, gjatë fundjavës, një fotografi befasuese doli nga një konferencë në Tiranë, ku afër Marko Gjuriqit ishte ulur Xhelal Sveçla i Vetëvendosjes.

Pas një sërë reagimesh në rrjetet sociale nga shoqëria civile e politikanë, është deklaruar edhe vetë Sveçla përmes një statusi duke shkruar veç tjerash:

“Dua të sqaroj se Lëvizja Vetëvendosje nuk funksionon duke braktisur tryezat. Qëndrimi ynë është të marrim pjesë në çdo diskutim, të argumentojmë qëndrimet tona dhe të pamundësojmë marrëveshjet në dëm të Kosoves, ndryshe nga paraardhësit tanë”, ka shkruar Sveçla./Periskopi/