6 orë më parëGazetari i KTV-së që u bë me VV-në kundërshton Veliun: S’e duam presidentin, duam që të mos flitet për të
Periskopi(6 vite më parë)
(6 vite më parë)Pas deklaratës së nënkryetarit të LDK-së Agim Veliut, i cili tha se është e tepërt që Lëvizja Vetëvendosje ta ketë edhe postin e kryeministrit dhe atë të presidentit, ka reaguar deputeti i zgjedhur i VV-së, Mefail Bajqinovci. Bajqinovci që dikur ishte gazetar në KTV, ka deklaruar se Veliu po flet të pavërteta, meqë Vetëvendosje nuk […]
Pas deklaratës së nënkryetarit të LDK-së Agim Veliut, i cili tha se është e tepërt që Lëvizja Vetëvendosje ta ketë edhe postin e kryeministrit dhe atë të presidentit, ka reaguar deputeti i zgjedhur i VV-së, Mefail Bajqinovci.
Bajqinovci që dikur ishte gazetar në KTV, ka deklaruar se Veliu po flet të pavërteta, meqë Vetëvendosje nuk po kërkon postin e Presidentit, por po kërkon që të mos diskutohet për këtë pozitë në këtë fazë.
Reagimi i Bajqinovcit në Facebook
Nuk qëndron kjo që thotë z.Veliu. Vetëvendosje, nuk po e kërkon për vete postin e presidentit.
Ne po kërkojmë që për presidentin të mos flitet tash kur jemi duke e ndërtuar shumicën parlamentare për qeverisje, por kur të vjen koha. Dhe më e rëndësishmja: po kërkojmë president saktësisht ashtu sikurse e kërkon Kushtetuta e vendit.
Kërkesa juaj për ta pasur presidentin në mënyrën se si po e kërkoni nuk e shprehë përkushtimin e stërthënë nga ju për LDK -në shtetformuese, perëndimore dhe që angazhohet për shtetin e së drejtës.
