4 orë më parëFerizaji iu jep dru 150 familje të varfra për dimër: Përfshin edhe romët, serbët, ashkalitë në ndihmë
Periskopi(6 vite më parë)
(6 vite më parë)Komuna e Ferizajt ka ndarë nga dy metra dru për 150 familje në gjendje të rëndë ekonomike. Vetë drejtori i Drejtorisë së Bujqësisë dhe Pylltarisë në këtë komunë ishte i pranishëm në aktivitet, ku deklaroi se nisma të tilla po bëheshin me qëllim të ofrimit të ndihmës. Këto dru ishin konfiskuar nga shitësit ilegalë përgjatë […]
Këto dru ishin konfiskuar nga shitësit ilegalë përgjatë vitit 2019.
Një metër dru në Kosovë kushton rreth 35 euro, që nënkupton se ndihma e plotë nga kjo komunë kap shifrën e pak më shumë se 10 mijë eurove, përcjell Periskopi.
“Sot po bëjmë shpërndarjen e masës drusore për 150 familje ferizajase. Sipas proporcionit nga sasia totale këto familje përfitojnë nga dy metër masë drusore hapësinore. Këtë proces e kemi verifikuar dhe konstatuar përmes Komisionit Komunal përkatës për këtë çështje, ku natyrisht janë konsultuar edhe institucionet e kujdesit social si dhe në bazë të kërkesave të qytetarëve” tha mes tjerash, drejtori i Bujqësisë, Burim Bajrami.
Përmes këtij aksioni janë ndihmuar përveç familjeve me gjendje të rëndë ekonomike nga komuniteti shqiptar, edhe ata nga komunitetet pakicë, romët, ashkalitë, egjiptasit e serbët. /Periskopi
