Deputeti i LDK-së pret që sot Mustafa, Kurti e Osmani ta nënshkruajnë marrëveshjen

Deputeti i LDK-së Haxhi Avdyli, thotë se  Isa Mustafa, Albin Kurit e Vjosa Osmani duhet që sot ta nënshkruajnë marrëveshjen për koalicion.

Sipas Avdylit, është momenti kryetarët e të dy partive që synojnë formimin e koalicionit qeverisës, në radhë të parë të mendojnë si qytetarë që kanë halle, përcjell Periskopi.  Ai ka tërhequr vërejtjen se në rast të dështimit të formimit të koalicionit, LVV dhe LDK mund të përballen me ndëshkim qytetar.

Postimi i Avdylit në Facebook

Në momentin kur jemi 24 orë para konstituimit të Kuvendit, është momenti që kryetari i LDK-së e VV-s më shumë të mendojnë si qytetar i Kosovës me shumë halle e kërkesa e më pak si kryetar partish. Më shumë të takohen me punëtorë të sektorit privat, me arsimtarë e studentë, me mjekë e pacientë , me bujqë e biznesmenë e më pak të dëgjojnë jurishnikët partiakë, militantë, servil e karrierista që më shumë kanë hallin e vetes e klanit se sa hallin e shtetit. Guri në rrugën e koalicionit mund të hiqet nëse behemi bashkë për ta larguar e nga ai gur të ndërtojmë Ura mirëbesesimi e bashkëpunimi afatgjatë. Sepse ai guri (posti i Presidentit) mbetet vetëm një mjet për të larguar malin e gurëve e shkëmbinjëve të keqqeverisjes së kaluar e fushave të minuara nga ata. Koha është sot që Isa Mustafa ,Vjosa Osmani e Albin Kurti të nënshkruajnë marrëveshjen e shumëpritur nga qytetarët sepse zhgënjimi qytetar i nesërm mund ti hakmerret dy palëve por edhe vendin e vendos në rrugë pa krye. Nesër mund të kemi koalicion me fitues të besimit qytetar ose fërkim duarsh të humbësave të zgjedhjeve të 6 tetorit që veq në ujëra të turbullta mbijetojnë politikisht.