2 orë më parëAutoritet ruse përdorin borën artificiale për të dekoruar Moskën për Vitin e Ri, dhjetori më i nxehti që nga viti 1886
Periskopi(6 vite më parë)
(6 vite më parë)Javën e kaluar, banorët e Moskës filluan të diskutojnë nëpër rrjetet sociale pasi panë disa kamionë duke transportuar nëpër qytet borë artificiale, që pritet të shpërndahet nëpër rrugët kryesore të qytetit për të festuar natën e ndërrimit të moteve. Moska zakonisht mbulohet nga bora në këtë periudhë të vitit, por ndryshe nga herët e kaluara, […]
Moska zakonisht mbulohet nga bora në këtë periudhë të vitit, por ndryshe nga herët e kaluara, moti këto ditë është i mirë dhe ka mungesë të madhe të borës, transmeton Telegrafi.
Dhjetori i këtij viti po konsiderohet më i nxehti që nga viti 1886 dhe këtë po e konfirmojnë edhe zyrtarët e shërbimit meteorologjik, të cilët pranuan se që kur ata matin temperaturat ky është dimri më i nxehtë.
Në anën tjetër, zyrtarët lokalë kanë shpjeguar se bora e shpërndarë nëpër Tverskaya, një nga rrugët kryesore të Moskës, do të përdoret nga snouborderët që do të performojnë në natën e ndërrimit të moteve, shkruan Guardian.
Banori i Moskës, Alexander Stanko, 62-vjeq, ka deklaruar për Guardian se dimri ka ndryshuar shumë viteve të fundit në Rusi.
“Dimri ka qenë shumë më i ashpër këtu. Edhe tani janë disa ditë shumë të ftohta, por nuk krahasohen me ato dikur kur njerëzit mezi arrinin t’i rezistonin të ftohtit për pak minuta”, ka shtuar ai.
