Analisti kosovar tregon se si do duhej të duket marrëveshja për formimin e qeverisë së re

Analisti kosovar tregon se si do të duhej të duket marrëveshja për formimin e Qeverisë.

Analisti politik, Naim Rashiti ka bërë një parashikim se si do të duhej të duket marrëveshja për formimin e Qeverisë së re, e udhëhequr nga Lëvizja Vetëvendosje dhe Lidhja Demokratike e Kosovës.

Ai ka thënë se Qeveria e re duhet të përbëhet nga 15 ose 16 ministri.

Sipas Rashitit, LVV duhet të marrë postin e kryeministrit si dhe 6 ministri, LDK duhet të marrë zv.kryeministrin e parë dhe 7 ministri, kurse minoritet duhet të marrin 3 ministri.

Rashiti ka shkruar në profilin e tij në Facebook, se kur të vjen koha, shefat e grupeve parlamentare të LDK dhe LVV propozojnë me konsensus kandidatin për President, me kusht që kandidatura të jetë i pranueshëm së paku edhe për një pjesë të opozitës, pra më shumë se votat e koalicionit qeverisës.

“Në rast të dështimit të këtij kandidati, sipas të njëjtës procedurë, shefat e grupeve parlamentare të LDK e LVV të marrin miratimin e opozitës për kandidatin/en tjetër për President. Natyrisht, posti i Presidentit nuk duhet të mbetet i rezervuar për liderët politik. Partitë parlamentare duhet të kërkojnë një kandidat (një nga deputetet apo përfaqësuesit politik) I cili merr mbështetje më të madhe politike në kuvend”, ka shkruar ai.

Ai ka thënë se nëse LVV dhe LDK zvarrisin procesin e formimit të institucioneve për shkak të balancimit të forcave, ato do të bëjnë atë çka qeveritë e kaluara kanë bërë, siç ka thënë ai “asgjë ndryshe”.