3 orë më parëAgim Veliu s’e merr vesh Konjufcën: I thotë të mos përcaktojë emra, edhe pse ai nuk e bëri
Periskopi(6 vite më parë)
(6 vite më parë)Agim Veliu nga LDK ka thënë se Lëvizja Vetëvendosja nuk të drejtë në asnjë moment që të përcaktojë se kush do të jetë president i vendit nga radhët e LDK-së, pasi që deputeti i zgjedhur i VV-së, Glauk Konjufca në një mënyrë deklaroi se Vjosa Osmani do të ishte emër i pranueshëm nga VV-ja për […]
Konjufca thjesht ishte pyetur nëse partia e tij do ta pranonte zonjën Osmani, pas së cilës pyetje ai bëri një përgjigjje më të gjatë se që është kuptuar nga gazeta Insajderi. Konjufca deklaroi se plani A i tyre ishte presidenti jopartiak, por pas pyetjeve të vazhdueshme të gazetarëve se a mendonin që Osmani do t’i kryente mirë detyrat si presidente, ai u përgjigj pozitivisht.
Kjo ka irrituar z.Agim Veliu, ndoshta edhe nga keq-transmetimi i pyetjes prej gazetës Insajderi.
“Nuk ka të drejtë në asnjë moment VV-ja me përcaktu kandidatin e LDK-së se kush do të jetë as president e as në kurrfarë pozicioni tjetër. Po besoj që ky deklarim nuk ka qenë aq i meqëm i Konjufcës në këtë fazë kur po bëjmë përpjekje për ndërtimin e koalicionit për ndërtimin dhe mirëbesimit dhe thjeshtë kjo është një lloj ndërhyrje në politikat e brendshme të Lidhjes Demokratike të Kosovës”, ka thënë Veliu
I pyetur nëse Vjosa Osmani mund të ishte e propozuara e kësaj partie për presidente, ai ka deklaruar se partia në të cilën bën pjesë aktualisht nuk ka emër konkret.
Kujtojmë se z.Agim Veliu është kryetar i komunës së Podujevës dhe nënkryetar i LDK-së. /Periskopi
