2 orë më parëAgim Bahtiri për takimin Sveçla – Gjuriq: Xhelali është i pastër si loti
Periskopi(6 vite më parë)
(6 vite më parë)Kryetari i komunës së Mitrovicës, Agim Bahtiri njëherësh edhe anëtar i VV-së, ka reaguar pas fotografive të publikuara mbrëmë ku Xhelal Sveçla u pa i ulur në një tavolinë bashkë me drejtorin e të ashtuquajturës zyre për Kosovën në Serbi, Marko Gjuriq. Bahtiri thotë se Sveçla është i pastër si loti dhe se bashkëpartiaku i […]
Bahtiri thotë se Sveçla është i pastër si loti dhe se bashkëpartiaku i tij ishte prezent aty meqenëse e përfaqësonte Kosovën.
Shkrimi i plotë:
Shumë zhurmë për asgjë. Kjo është ajo që bëri mbrëmë e sot PDK-ja dhe velgat e saj mediale, pas prezencës së Xhelal Sveçlës në një konferencë ballkanike të ftuar nga miqt ndërkombëtar.
Xhelali ishte prezent aty edhe pse ishin prezent përfaqësuesit e Serbisë, por këtë e bëri për ta përfaqësuar dhe mbrojtur Kosovën, sepse tash si parti fituese Vetëvendosje ka përgjegjësi edhe më të mëdha shtetërore. Por nuk ishte aty për ta ndarë Kosovën, siç bëri përpjekje PDK-ja dhe një pjesë tjetër e klasës politike të Kosovës për shumë kohë.
Përderisa këta që po kritikojnë janë takuar fshehtazi për ndarjen e Kosovës deri në Mitrovicë, Xhelali mori pjesë në një takim zyrtar të organizuar nga miqt ndërkombëtar. Nuk mund ta kritikojnë Xhelalin e as VV-së këta që i falen Malit të zi 8200 hektarë tokë të Kosovës.
Për dallim prej tyre, Xhelali nuk ulet për të biseduar ndarjen e Kosovës, sepse ai as nuk blihet e as nuk shitet, as nuk mund të shantazhohet e as kërcënohet, sepse është i pastër si loti në aspektin privat e zyrtar.
PAN-it po i dhemb se marrëveshja për koalicion do të arrihet javën që vjen, andaj nuk po lën guri pa lëvizur për ta penguar formimin e Qeverisë Kurti. Njëjtë siç dështuan ta ndalin fitoren e VV-së, ashtu do të dështojnë ta pengojnë formimin e Qeverisë Kurti.
AB
