16 vjeçarja që po tërbon Trumpin, kërkon falje për poshtërimin që iu bëri politikanëve

Aktivistja 16 vjeçare e ndryshimeve klimatike, Greta Thunberg, ka kërkuar falje për çdo keqkuptim pasi kishte thënë se politikanët duhet t’i “pështetim për muri”.

Adoleshentja po bënte fushatë nëpër botë për ët marrë mbështetje për lëvizjen e saj të gjelbër dhe duke iu bërë thirrje të rinjve që t’i mbajnë përgjegjëse qeveritë e tyre për kontributin që japin për ndryshimet klimatike, shkruan Independent, përkthen Periskopi.

Megjithatë Greta shkaktoi zemërim dhe huti në një fushatë në Torino të Italisë gjatë të premtes kur tha: “Liderët botëror po provojnë të ikin nga përgjegjësitë e tyre, por duhet të sigurohemi që nuk do ta bëjnë atë gjë.”

“Do të sigurohemi që t’i pështetim për muri dhe që duhet ta bëjnë punën e tyre për të mbrojtur të ardhmen tonë,” – vazhdoi më pas ajo.

Këto komente nxitën kritika të shumta nga qarqet e djathta që veçse kanë qenë duke e kritikuar ashpër Gretan.

Megjithatë, 16 vjeçarja deklaroi se çështja ishte e thjeshtë dhe se ajo ishte keqkuptuar për shkak të përkthimit të keq.

“Dje thashë që duhet t’i mbajmë liderët tanë përgjegjës dhe për fat të keq thashë edhe se duhet t’i “pështetim për muri”.”

“Kjo ndodh kur duhet t’i improvizoni fjalimet për disa sekonda. Por megjithatë kërkoj falje për çdo keqkuptim.” /Periskopi