2 orë më parëZyrtarët për fotokopje: Shteti i Irlandës ia kalon njëqind fish me budallallëk Kosovës me një printer
Periskopi(7 vite më parë)
(7 vite më parë)Që nga koha e Johann Gutenbergut, makina e shkrimit dhe shtypi në përgjithësi është lidhur me zhvillimin njerëzor, por kjo ishte e vërtetë para se parlamenti irlandez të vendoste që të porosiste një printer/shtypës gjigant. Një varg debaklesh mbi një printer që kushtonte 808 mijë euro këtë javë ka lënë të skuqur zyrtarët përgjegjës, shkruan […]
Një varg debaklesh mbi një printer që kushtonte 808 mijë euro këtë javë ka lënë të skuqur zyrtarët përgjegjës, shkruan The Guardian, përkthen Periskopi.
Kjo bëri që të hapej një hetim dhe të niste shakaja me këtë ndodhi.
Pasi kjo makinë, që ishte 2,1 metra e lartë dhe 1,9 metra e gjerë, arriti në Irlandë në dhjetorin e muajit të kaluar, zyrtarët në legjislaturë, e morën vesh se ajo nuk mund të vendosej brenda ndërtesës.
Nuk mund as ta kthenin nga kishte ardhur sepse kontrata ishte nënshkruar. Kështu që e çuan në një zonë industriale deri në muajin shtator, duke paguar madje edhe qira për atë gjë, ndërsa ndërtimtarët i thyen muret për të krijuar hapësirë për vendosjen e printerit për të rritur kësisoj koston me 236 mijë euro më shumë.
Printeri tashmë është instaluar por nuk punon. Sipas Irish Times, stafi i Legjislaturës po refuzon që të punojë me të, duke thënë se iu vyen trajnimi dhe një rritje rroge.
Kjo fiasko ka bërë që të nis një tërbim i madh publik dhe politik dhe është bërë thirrje për më shumë transparencë në legjislaturë.
Kjo bëri që të kërkohej edhe hetim për nisjen e procesit të blerjes së tij.
Kritikët kanë thënë se Irlanda e ka pazotësinë kronike për t’i kryer projektet me kohë dhe brenda buxhetit. /Periskopi
