Zbulohet emri i të dyshuarit që plagosi katër persona në Prishtinë

Dëshmitarë që kanë qenë të pranishëm e kanë përshkruar ngjarjen sikur një nga ato skenat e filmave aksion; ndërsa në mëngjes është konfirmuar nga autoritetet se katër persona kanë mbetur të plagosur nga ky rast.

Klan Kosova përmes burimeve mëson se personi i dyshuar për këtë konflikt të armatosur është emër i njohur për Policinë.

I dyshuar për plagosjen e katër rojeve të klubit të natës “Duplex”në Prishtinë, po del të jetë Astrit Mehmeti i njohur me nofkën “Llepota”.

Policia ka bërë të ditur se ka arritur t’i identifikojë personat e përfshirë në këtë rast si dhe ka konfiskuar tre armë që dyshohet të jenë përdorur për shkaktimin e plagëve.

Mirëpo deri më tani ende nuk është konfirmuar nëse është arrestuar ndonjëri prej të dyshuarve.

Për t’u informuar më shumë rreth kësaj ngjarje, klikoni në linkun e mëposhtëm.