3 orë më parëVV ende pa vendim pasi iu refuzua kërkesa nga PZAP për 392 pakot nga diaspora
Periskopi(7 vite më parë)
(7 vite më parë)Paneli Zgjedhor për Ankesa dhe Parashtresa e ka refuzuar ankesën e Lëvizjes Vetëvendosje, ku kërkohej që të numëroheshin 392 pakot me fletëvotime të ardhura me postë nga diaspora. PZAP përmes një njoftimi ka bërë të ditur se ankesën e paraqitur nga LVV e ka hedhur si të palejueshme, shkruan Klan Kosova. “Ankesa e paraqitur nga […]
Paneli Zgjedhor për Ankesa dhe Parashtresa e ka refuzuar ankesën e Lëvizjes Vetëvendosje, ku kërkohej që të numëroheshin 392 pakot me fletëvotime të ardhura me postë nga diaspora.
PZAP përmes një njoftimi ka bërë të ditur se ankesën e paraqitur nga LVV e ka hedhur si të palejueshme, shkruan Klan Kosova.
“Ankesa e paraqitur nga Lëvizja Vetëvendosje: Anr.507/2019 e datës 22.11.2019 hedhet e palejueshme. Ndërsa ankesat lidhur me administrimin dhe rinumërimin e Vendvotimeve në Qendrën Numërimit dhe Rezultateve – QNR janë vendosur si në vijim: 5 ankesa janë pranuar të bazuara, 1 ankese është pranuar pjesërisht e bazuar, 6 ankesa janë refuzuar të pabazuara dhe 1 ankese është hedhur e pasafatshme”.
Se a do t’i drejtohen Gjykatës Supreme apo jo, zëdhënësi për media nga VV, Arlind Manxhuka ka thënë për Klan Kosovën se “ende nuk është marrë ndonjë vendim”.
Kujtojmë se pakot në fjalë në KQZ kanë arritur gati pas dy muajsh (37 ditësh) nga zgjedhjet e 6 tetorit. Për t’u informuar më shumë rreth kësaj ngjarje, klikoni në linqet e mëposhtme.
