6 orë më parëU akuzua për vrasjen e kushëririt, ekspertiza zbuloi detaje që e shpëtuan nga burgu Marash Arrën
Periskopi(7 vite më parë)
(7 vite më parë)I arrestuar një muaj më parë për vrasjen e kushëririt të tij, Marash Arra tashmë do të hetohet në jashtë qelisë. 26-vjeçari, në bazë të dyshimeve të ngritura nga Policia e Shkodrës, ishte autori i vrasjes së Lazër Arra. Përballë mungesës së provave për një akuzë të tillë, Gjykata e Shkallës së Parë në Shkodër […]
Përballë mungesës së provave për një akuzë të tillë, Gjykata e Shkallës së Parë në Shkodër e ka liruar nga paraburgimi. Sipas burimeve pranë Prokurorisë së Shkodrës kanë mbërritur nga Tirana aktet e ekspertimit për provat materiale shtesë lidhur me rrobat apo gjurmë të tjera, por ka rezultuar i pastër dhe nuk është i përfshirë në ndonjë gjurmë, në asnjë prej këtyre akteve.
Vetë Prokuroria e Shkodrës kërkoi masën e sigurisë “Arrest shtëpie”, ndryshe nga seancat e tjera kur ka kërkuar “Arrest me burg”, ndërsa pala mbrojtëse, përmes avokatit Agim Martini, kërkoi masë më lehtësuese, “Detyrim paraqitje”.
Në fund, Gjykata vendosi “Arrest shtëpie” për 26-vjeçarin. Fillimisht, Policia e arrestoi Marash Arrën duke e akuzuar si autor të vrasjes së kushëririt të tij, Lazër Arra. Kjo akuzë u rrëzua nga Prokuroria e Shkodrës, e cila ngriti vetëm akuzën “Për moskallëzim krimi” dhe jo atë të vrasjes. Që në momentin e parë, Marash Arra qoftë në Policinë vendore të Shkodrës, por edhe në sallën e gjyqit, ka mohuar të ketë lidhje me vrasjen e kushëririt, duke thënë se jo vetëm që nuk është autori, por nuk ka dijeni as se kush ka qëlluar.
Viktima Lazër Arra dhe kushëriri i tij, Marash Arra, janë nisur së bashku nga fshati Palaj në Shosh për të sjellë prodhimet e dimrit në Shkodër. 55-vjeçari Arra është ndalur për të pushuar, ndërsa kushëriri ka vijuar rrugën.
Kur është kthyer, e ka gjetur në rrugë të vrarë. Ende janë të paqarta motivet e kësaj vrasjeje, pavarësisht dyshimeve që ka Policia. Policia ngriti dyshime se Lazër Arra ishte bërë viktimë pas informacioneve të dhëna për Policinë e Shtetit në zbulimin e parcelave me kanabis në zonën e Dukagjinit në Shkodër, një zonë e njohur për aktivitet të tillë.
Pas kësaj, hetuesit arritën në përfundimin se një nga autorët e kësaj vrasjeje është kushëri i tij, pikërisht 26- vjeçari Marash Arran, djali i xhaxhait të viktimës.
Gjatë muajve të verës, Policia e Shkodrës ka zhvilluar disa aksione në Dukagjin dhe pikërisht në Ndreaj, ku ndodhet fshati Palaj, ku ka asgjësuar në total rreth 1 mijë rrënjë kanabis sativa. Këto aksione janë zhvilluar në kohë të ndryshme.
Në fakt, Policia nuk ka identifikuar ndonjë autor për ato bimë, pavarësisht dyshimeve. Por, ndonëse Policia nuk i ka çuar deri në fund hetimet, këtë gjë duket se e kanë bërë kultivuesit e kanabisit.
