3 orë më parëTragjike: Dy helikopterë francezë përplasen mes vete, 13 ushtarë vdesin në vend
Periskopi(7 vite më parë)
(7 vite më parë)Trembëdhjetë trupa franceze mbetën të vrarë në një përplasje ajrore mes dy helikopterëve në Mali gjatë mbrëmjes të së hënës derisa po luftonin militantët islamikë në shtetin nga Afrika e Perëndimit. Presidenti francez, Emmanuel Macron, shprehu “trishtimin e thellë” për përplasjen, duke theksuar “kurajën e luftëtarëve francezë” në atë që e quajti “luftë e ashpër […]
Trembëdhjetë trupa franceze mbetën të vrarë në një përplasje ajrore mes dy helikopterëve në Mali gjatë mbrëmjes të së hënës derisa po luftonin militantët islamikë në shtetin nga Afrika e Perëndimit.
Presidenti francez, Emmanuel Macron, shprehu “trishtimin e thellë” për përplasjen, duke theksuar “kurajën e luftëtarëve francezë” në atë që e quajti “luftë e ashpër kundër terrorizmit” në rajonin Sahel të Afrikës perëndimore.
38 luftëtarë francezë kanë mbetur të vrarë në Mali që kur Franca kishte vendosur të intervenonte ushtarakisht në vitin 2013. Ish fuqia kolonialiste në rajon, Franca, kishte dërguar trupa ushtarake kur qyteti i Malit Timbuktu ishte kapur nga ushtarakët që kërconin se do të avanconin drejt kryeqytetit të shtetit në vitin 2012, shkruan Guardian, përkthen Periskopi.
Mbi 4 mijë e 500 trupa janë aktualisht duke luftuar kryengritjet islamike në rajon.
Operacionet komplekse ushtarake në shkretëtirën veriore të Malit janë përshkruar si lojë e maces dhe miut në një territor tepër të gjerë me një armik tepër të mobilizuar.
ShBA-ja e ka përshkruar rajonin e Sahelit si frontin kryesor në luftën kundër ISIS-it dhe grupeve tjera terroriste./Periskopi
