6 orë më parëSë paku 24 viktima nga rrëshqitjet e dheut në Kenia
Periskopi(7 vite më parë)
(7 vite më parë)Të paktën 24 njerëz janë raportuar të vdekur për shkak të rrëshqitjes së dheut që ndodhi pas motit të lig në rajonin e Pokotit Perëndimor në Kenia të Afrikës. Zyrtarët i njoftuan mediet lokale se trupat e pajetë të 12 personave, përfshirë shtatë fëmijë, u gjetën të shtunën. Rrëshqitjet e dheut që ndodhën në fshatrat […]
Zyrtarët i njoftuan mediet lokale se trupat e pajetë të 12 personave, përfshirë shtatë fëmijë, u gjetën të shtunën.
Rrëshqitjet e dheut që ndodhën në fshatrat Nyarkulian dhe Parua u shkaktuan nga reshjet e mëdha të shiut.
Autoritetet njoftuan se këto fshatra janë bllokuar nga vërshimet dhe rrugët e mbuluara nga uji dhe raportuan se të paktën një urë është shkatërruar.
Komisioneri i këtij rajoni, Apollo Okello, tha se disa njerëz mund të jenë bllokuar nën rrënoja dhe se përpjekjet për gjetjen e tyre po vështirësohen nga kushtet e motit të lig.
Në pamjet e publikuara në rrjetet sociale shihen drunj, baltë dhe copëza ndërtesash të shpërndara në rrugë.
Ndihmë në këtë gjendje të vështirë ka ofruar edhe Kryqi i Kuq me seli në Kenia, i cili ka thënë se i ka aktivizuar ekipet e shpëtimit, shkruan “BBC”.
