6 orë më parëRinumërohen 78% e vendvotimeve
Periskopi(7 vite më parë)
(7 vite më parë)Në Qendrën për Numërim dhe Rezultate po vazhdon rinumërimi i vendvotimeve për të cilat ka vendosur PZAP-i. Në ditën e nëntë, pra të enjten, janë rinumëruar 133 vendvotime. Deri më tani janë rinumëruar 1101 vendvotime ose 78.25% nga 1407 vendvotime gjithsej, shkruan Periskopi. Ndryshe, procesi i rinumërimit pritet të përfundojë brenda kësaj jave, me ditën […]
Në ditën e nëntë, pra të enjten, janë rinumëruar 133 vendvotime.
Deri më tani janë rinumëruar 1101 vendvotime ose 78.25% nga 1407 vendvotime gjithsej, shkruan Periskopi.
Ndryshe, procesi i rinumërimit pritet të përfundojë brenda kësaj jave, me ditën e diel që shihet si më e mundshmja nga zyrtarët e KQZ-së.
Valmir Elezi, zëdhënës nga KQZ, duke folur për Periskopin kishte konfirmuar se rinumërimi do të përfundoj këtë të diele.
“Po besojmë se më shpejt sesa kemi planifikuar po arrijmë ta përfundojmë rinumërimin. Ka qenë e planifikuar që deri të hënën të përfundojë i gjithë ky proces dhe sot mund të themi se gjasat janë shumë reale që edhe të dielën të përmbyllet rinumërimi i më shumë se 1400 vendvotimeve për të cilat ka vendosur PZAP-i”.
“Duke qenë se kanë mbetur për t’u rinumëruar 438 vendvotime pasi deri të mërkurën në mesnatë janë rinumëruar 969 vendvotime apo 68.87%, po besojmë se procesi i rinumërimit mund të përmbyllet një ditë më herët, të dielën”.
“Procesi i rinumërimit ka filluar pasditen e 13 nëntorit dhe brenda 7.5 ditësh mesatarja e vendvotimeve të rinumëruara brenda një dite pune, nga ora 8 e mëngjesit deri në mesnatë, është rreth 130 vendvotime”, përfundon Elezi./Periskopi/
