3 orë më parëReçica-LVV-së: Po bëheni partner i orkestrimeve të Vuçiqit
Periskopi(7 vite më parë)
(7 vite më parë)Ministri në detyrë i Punës dhe Mirëqenies Sociale Skënder Reçica, ka reaguar ndaj veprimit të kandidatëve të Lëvizjes Vetëvendosje, të cilët u drejtuan Gjykatës Supreme ku kërkojnë që të numërohen votat e ardhura në mënyrë ilegale nga Serbia.. Reçica është shprehur në Facebook ‘se nuk mëtohet të mbrohet shteti, duke mos respektuar legjitimitetin e një […]
Ministri në detyrë i Punës dhe Mirëqenies Sociale Skënder Reçica, ka reaguar ndaj veprimit të kandidatëve të Lëvizjes Vetëvendosje, të cilët u drejtuan Gjykatës Supreme ku kërkojnë që të numërohen votat e ardhura në mënyrë ilegale nga Serbia..
Reçica është shprehur në Facebook ‘se nuk mëtohet të mbrohet shteti, duke mos respektuar legjitimitetin e një procesi zgjedhor’.
Ai ka shtuar se askush në Kosovë nuk t’i bëhet partner orkestrimeve të presidentit serb Aleksandër Vuçiq.
Postimi i Reçicës:
Asnjëherë një shtet, ku sundon rendi e ligji dhe ku vepron demokracia, nuk mund të jetë serioz pa njohjen e vullnetit të qytetarëve të tij. Kushdo që konteston vullnetin e qytetarëve të Kosovës me të ashtuquajturat vota të kontrabanduara nga qeveria e Vuçiqit në Beograd, gabohet rëndë.
Mbi të gjitha, nuk mëtohet të mbrohet shteti, duke mos respektuar legjitimitetin e një procesi zgjedhor.
Vullneti i mbi 42.000 qytetarëve, nuk mund të injorohet dhe zhvlerësohet me disa vota të paligjshme, të orkestruara dhe të kontrabanduara.
Askush në Republikën e Kosovës, s’duhet ti bëhet partner orkestrimeve të Vuçiqit.
