Presidentja kroate kritikohet pse këndoi ‘Happy birthday’: S’mund të ma ndalni këngën

Presidentja kroate, Kolinda Grabar Kitarovic, është sulmuar nga mediat për shkak së këndoi në ditëlindjen e kryetarit të Zagrebit, Milan Bandic.

“Ata më sulmojnë kur i gëzohem suksesit të ekipit tonë kombëtar, më sulmojnë kur këndoj, më sulmojnë kur qëndroj, vetëm mos e prekni Kroacinë dhe popullin e saj. Dua ta qartësoj: do të këndoj sërish me njerëzit e mi dhe nuk shoh ndonjë arsye të kërkoj falje për këtë”, citohet të ketë thënë presidentja kroate, raporton Hina, përcjell Periskopi.

Sipas mediave atje, presidentja u përgjigj ndaj reagimeve lidhur me atë se ajo i dërgoi një tortë kryetarit të Zagrebit dhe këndoi ‘Happy Birthday’ për të./Periskopi/