2 orë më parëPas rrahjes me sekretarin e Ministrisë, nipi i Jakup Krasniqit del në zyrë
Periskopi(7 vite më parë)
(7 vite më parë)Një ditë pasi që dyshohet se u përfshi në përleshje me kolegun e tij në Ministrinë e Tregtisë dhe Industrisë, Arian Krasniqi, djali i vëllait të Jakup Krasniqit, ka dalë në punë. Krasniqi, këshilltar politik në MTI, dyshohet se e ka sulmuar fizikisht sekretarin e kësaj Ministrie, Burim Rreci. Rrahja ka ndodhur dje rreth orës […]
Krasniqi, këshilltar politik në MTI, dyshohet se e ka sulmuar fizikisht sekretarin e kësaj Ministrie, Burim Rreci.
Rrahja ka ndodhur dje rreth orës 14:00, derisa rastin për Periskopin e ka konfirmuar edhe Policia e Kosovës.
“Sot rreth orës 14:00 kemi pranuar një informatë për një përleshje fizike në MTI, ku një person ka pësuar lëndime trupore. Njësitet e nevojshme policore janë në vendin e ngjarjes dhe po merren me rastin”, ka thënë zëdhënësja e policisë, Flora Ahmeti.
Në anën tjetër, sot Krasniqi ka publikuar një fotografi në Facebook, ku shihet në zyrën e tij. Nuk munguan as komentet përshëndetëse ndaj tij.
Raportohet se deri te sulmi kishte ardhur pasi që Krasniqi kishte kërkuar nënshkrimin e pagesave të udhëtimeve që i ka bërë jashtë vendit, por, që një gjë të tillë nuk ia kishte dorëzuar sekretari Rreci.
Ndryshe, Arian Krasniqi, është djali i vëllait të Jakup Krasniqit, ish-kryetarit të Kuvendit të Kosovës.
Krasniqi ishte punësuar si këshilltar politik i ministrit në detyrë, Endrit Shala, i cili akoma po e mban pozitën.
