2 orë më parëPara një muaji VV’ja kundërshtonte votat e ardhura nga Serbia, sot i mbron ato
Periskopi(7 vite më parë)
(7 vite më parë)Tre anëtarë të Lëvizjes Vetëvendosje sot kanë dorëzuar ankesë në Gjykatën Supreme në lidhje me vendimin e PZAP-it, që urdhëronte KQZ-në të hiqte nga rezultatet përfundimtare të zgjedhjeve të 6 tetorit votat e jashtëligjshme të ardhura nga Serbia, shkruan Periskopi. Me këtë vendim të PZAP-së, Lëvizja Vetëvendosje humbë 3 deputet, ndërsa këta deputet do të […]
Me këtë vendim të PZAP-së, Lëvizja Vetëvendosje humbë 3 deputet, ndërsa këta deputet do të zëvendësohen me ata të Nismës, parti kjo e cila kalon pragun zgjedhor dhe hyn në Kuvend me 6 deputet.
Adnan Rrustemi, anëtar i KQZ-së nga radhët e VV-së, tha se tre kandidatët e tyre (Enver Haliti, Arta Bajralia dhe Alban Hyseni), të cilët pas certifikimit të zgjedhjeve nga Komisioni Qendror i Zgjedhjeve ishin verifikuar si deputetë të Parlamentit, do t’i mbrojnë mandatet dhe t’i refuzojnë pazaret e PZAP-së.
“Vetëm pazari i PZAP-it u bë vendim, e vendimi i tyre do të mbetet vetëm një devizë e pakëmbyeshme financiarisht. Të bindur se këto vendime janë politike në thelb e në formë, tre kandidatët tanë të shpallur nga KQZ-ja si deputetë të listës fituese të Lëvizjes, kanë bërë ankesë në Gjykatën Supreme”, ka shkruar Rrustemi në Facebook.
Por, Lëvizja Vetëvendosje dikur i ka quajtur “të kundërligjshme”, votat e ardhura nga Serbia në Kosovë, përmes zyrës ndërlidhëse të Serbisë, e jo me postë ashtu siç e parasheh ligji.
Kështu thuhet në reagimin e tyre të bërë me datën 13 tetor të këtij viti.
Ata kishin thënë po ashtu se këto vota duhet të refuzohen.
Më poshtë keni reagimi e plotë të Vetëvendosjes, postuar në facebook më 13 tetor 2019. /Periskopi
