Njeriu i zgjedhjeve: PZAP garantoi integritetin zgjedhor

Sipas Kryeziut, PZAP ka mbrojtur integritetin zgjedhor duke garantuar votën e lirë dhe numërimin e secilës votë në mënyrë të drejtë.

“PZAP, me vendimet e saj ka garantuar Integritetin zgjedhor, transparencën e nevojshme, votimin e lirë dhe numërimin e secilës votë në mënyrë të drejtë. Vendimet e PZAP-së garantojnë standardet universale për zgjedhje të drejta dhe të lira. Këto standarde, janë shumë më të rëndësishme se secili rezultat që mund të dalë në zgjedhje, më të rëndësishme se koha dhe procedurat për tu zbatuar”, ka shkruar ai.

Kujtojmë që lidhur me ankesën e parashtruar nga Koalicioni Nisma – AKR – PD, PZAP ka vendosur që të pranojë të bazuar ankesën dhe ka urdhëruar KQZ-në, që të largojë nga rezultati përfundimtar i zgjedhjeve votat e votuesve jashtë Kosovës të ardhura nga Serbia.