Në Vjenë, dhurohen fustane për t’u solidarizuar me gratë e dhunuara gjatë luftës në Kosovë

Dje ky instalacion u shpalos në Vjenë.

Artistja Penesta Dika përmes një shkrimi të bërë në Facebook ka shkruar rreth këtij instalacioni që bëri bujë dhe preku opinionin gjithandej botës.

“Ky instalim artistik u drejtohet grave të pafajshme që, megjithëse kanë përjetuar një torturë të tillë, edhe sot, në shumë raste, ndjehen të lëna pas dore nga familja dhe shoqëria e ngushtë dhe e shtrirë në përgjithësi “- ka shkruar ajo në llogarinë e saj.

“Ato nuk e ndiejnë vetëm dhimbjen dhe luftën, por madje ndjehen fajtorë për fatin e tillë”.

Tutje Dika shkroi se artistja Xhafa-Mripa përfaqëson triumfin e këtyre grave.

“Këto rroba, të cilat, pasi ato janë të varura, kanë për qëllim që shikuesi të lahet para, të na tregojë më tej pastërtinë shpirtërore të këtyre grave, të cilat ndiheshin të ndotura nga dhuna seksuale e ushtruar mbi to. Artistja Xhafa-Mripa prezanton rrobat e tyre të pastra, të larë dhe të varura për tu tharë. Ajo dëshiron që ky objekt të ndihmojë gratë që kanë pësuar këtë lloj dhune të ndjehen të lehtësuar nga shqetësimi që ata kanë bartur deri më tani “- ka shkruar ajo në Facebook.