4 orë më parëMustafa për Kadaj – Bujupin: E lezetshme deklarata e saj ku sulmon LDK’në, por ajo i ndërron partitë shpesh
Periskopi(7 vite më parë)
(7 vite më parë)Sekretarja organizative e Aleancës për Ardhmërinë e Kosovës, Donika Kadaj-Bujupi, së fundmi e ka komentuar bashkëpunimin e LDK-së me LVV-në për koalicionin që mund ta formojë qeverinë e ardhshme. Në një intervistë për Epokën e Re, ajo ka thënë se ‘LDK po afrohet me VV-në për inati të PDK-së”. E për këtë deklaratë, deputeti i […]
Sekretarja organizative e AAK-së Donika Kadaj-Bujupi në një intervistë për gazetën ‘’Epoka e Re’’, ka thënë se ‘’afrinë e sotme me LVV-në, LDK-ja e ka më shumë nga inati me PDK-në që ia ndërpreu bashkëqeverisjen në vitin 2017’’.
Deputeti i Lidhjes Demokratike të Kosovës, Besian Mustafa në një prononcim për Periskopin këtë deklaratë e vlerëson si të lezetshme, por thotë se ‘vjen nga dikush që çdo dy -tri vite e ndërron partinë’.
‘’E lezetshme deklarata nga dikush që çdo dy-tri vite e ndërron partinë e të flasi i njëjti person për parime politike’’, i ka thënë Mustafa Periskopit.
LDK dhe Vetëvendosje, janë në përfundim të bisedimeve për të formuar koalicionin qeverisës. Takimet në nivele të grupeve punuese, duket se përfunduan javën e kaluar, kur nisën takime të nivelit më të lartë mes të dyja partive, përkatësisht krerët e këtyre dy partive politike, Isa Mustafa dhe Albin Kurti./Periskopi/Zana Rugova/
