Media serbe: Kosova turpëron Edi Ramën pasi përkrahu iniciativën e Serbisë për mini-shengen

Mediat serbe po raportojnë për reagimet negative nga Kosova ndaj kryeministrit shqiptar Edi Rama për iniciativën e mini-shengenit ballkanik.

“Iniciativa e kryeministrit të Shqipërisë, atij të Maqedonisë së Veriut dhe presidentit serb, ka provokuar reagime tejet negative në Prishtinë”, shkruan Blici serb, përkthen Periskopi.

I fundit nga reagimet – shkruan ky medium serb – është ai i sociologut dhe profesorit universitar Fadil Maloku, i cili ka propozuar që kryeministri shqiptar të shpallet person i padëshiruar në Kosovë.

“EDI RAMA, në Kosovë definitivisht duhet të shpallet PERSON NON GRATA! Edi Rama, para se ta përkrah MINISHENGENIN me Sllavët (Serbinë që në Preambullë të Kushtetutës së saj, ende i figuron Kosova si pjesë përbërëse,dhe Maqedoninë, që nē “barkun” e vetē sociopoliik e demografik, i ka mbi 35% shqiptar etnik?!) do të duhej më parë t’a përkrahte bile qoftë edhe formalisht, MINISHENGENIN SHQIPTAR! Por, Ai, e bē të kundërtën! Shihet ashiqare, që ky njeri, i rrethuar me këshilltarët e tij… më pro serb, djallëzisht po punon për një mini Jugosllavi Ballkanike!?”, shkroi Maloku në Facebook.

Mediumi serb poashtu i jep hapësirë edhe reagimit të kryetarit të LDK’së, Isa Mustafa, i cili e ka vlerësuar iniciativën për mini shengen ballkanik, si formim i një ‘Jugosllavie të re’.

Mediumi serb citon edhe deklaratën e presidentit të Kosovës Hashim Thaçi, përmes të cilës, ai bëri të ditur edhe se Kosova nuk do të ishte pjesë e kësaj iniciative. /Periskopi/