Limaj tha se ka pasur një takim Thaçi-Kurti, reagon Vetëvendosje

Lëvizja Vetëvendosje ka reaguar pas deklaratës së Fatmir Limaj i cili ka thënë se ka pasur një takim mes liderit të Vetëvendosjes, Albin Kurti dhe presidentit të vendit, Hashim Thaçit, duke i quajtur të pavërteta, shkruan Periskopi Kryetari i Nismës Socialdemokrate, Fatmir Limaj sonte në Debat Plus të RTV D deklaroi se ka informata se […]
Kryetari i Nismës Socialdemokrate, Fatmir Limaj sonte në Debat Plus të RTV D deklaroi se ka informata se ka ndodhur një takim mes kandidatit për kryeministër të LVV’së, Albin Kurtit dhe presidentit Hashim Thaçit.
“Kam informata që është zhvilluar një takim mes Hashim Thaçit e Albin Kurtit”, ka thënë Limaj.
Mirëpo, Zyra për media e Vetëvendosjes në një prononcim për Periskopin e ka thënë se kjo nuk është e vërtetë.
“Kjo deklaratë është tërësisht e pavërtetë”, thonë nga VV.
Kujtojmë që VV e Nisma janë përplasur vazhdimisht për procesin e numërimit dhe rinumërimit të votave./Periskopi/












