6 orë më parëLimaj pas vendimit të PZAP: Nga sot Nisma dhe partnerët e koalicionit janë pjesë e Kuvendit
Periskopi(7 vite më parë)
(7 vite më parë)Kreu i Nismas Socialdemokrate, Fatmir Limaj ka dalë në një konferencë për media pas vendimit të PZAP. Limaj, zyrtarisht thotë se NISMA me partnerët në koalicion tashmë janë pjesë e Kuvendit të Kosovës. Ndër tjerash, ai akuzon KQZ-në për shpallje të rezultateve të pa rregullta dhe jo ligjore. ”Pas vendimit të PZAP detyrohem të ju […]
Limaj, zyrtarisht thotë se NISMA me partnerët në koalicion tashmë janë pjesë e Kuvendit të Kosovës.
Ndër tjerash, ai akuzon KQZ-në për shpallje të rezultateve të pa rregullta dhe jo ligjore.
”Pas vendimit të PZAP detyrohem të ju drejtohem votuesve të Kosovës dhe të gjithë atyre që na kanë përkrahur. Sot KS nga vendimi i PZAP për të anuluar votat kontrabandë të ardhura nga Serbia është një Kosovë e cila ka institucione që e respektojnë dhe e mbrojnë ligjin. Vendimi i PZAP ka treguar se në Kosovë ka institucione që respektojnë ligjin. Shteti ligjor mbrohet çdo ditë me vepër, avancohet çdo ditë çdo gjyqtar dhe anëtar i PZAP duhet me qenë krenar që me vepër kanë avancuar këtë shtet ligjor dhe ne jemi krenar me punën e tyre. Anëtarët e PZAP treguan se nuk ndikohen dhe janë të verbër e të shurdhër nga anash.
Limaj tutje tha se rezultati final i KQZ-së, i shpallur para disa ditësh, është një rezultat i parregullt.
”KQZ ka shpallë rezultat jo të rregullt dhe nuk është vendim përfundimtar. Nga sot edhe me vendim të PZAP Nisma dhe partnerët e koaliciont janë parti parlamentare. Sot duke i larguar ato vota me kontrabandë jemi pjesë e Kuvendit të Kosovës. Nisma ka arritur 5.12%. Praktikisht jemi me 6 mandate në Kuvendin e Kosovës”, përfundon Limaj./Periskopi/
