Kurti dhe Mustafa flasin pas takimit: Së shpejti do ta lidhim marrëveshjen për koalicionin qeverisës

”Takimi ishte konstruktiv, i konfirmuam të gjitha dakordimet që i kemi bërë deri tani sa i përket harmonizimit programor. U morëm vesh që nesër është takimi i radhës për t’i përmbyllur çështjet e ngelura nga dy ekipet tona të profesionistëve dhe gjithashtu u dakurduam se do të takohemi intensivisht ne dy kryetarët e dy subjekteve sepse doemos do bëjm ëmarrëveshjen që do ta shënoj një kapitul të ri qeverisës. Më një kulturë tjetër të qeverisjes me një program zhbillimor për drejtësi ligjkopre e sociale, e për integrime evropiane duke i dhënë prioritet gjithmonë qytetarit të republikës”, tha Kurti, transmeton Periskopi.

Ndërsa lideri i Lidhjes Demokratike të Kosovës, Isa Mustafa nuk ka shtuar shumë nga ajo se çka ka thënë Kurti, veçse shton se gjatë ditës së nesërme pritet që gjithçka të finalizohet.

”Ne konstatuam bashkarisht se ajo çfarë është punuar nga grupet punuese gjatë kësaj periudhe kohore në përafrimin dhe harmonizimin e programit qeverisës thuajse ka përfunduar mbetet që nesër të definohet përfundimisht ndërkaq shohim arsye të plotë dhe vullnet nga të dy palët të mbajmë kontakte të rregullta që të përcaktojme përgjegjësitë tona në qeverisjen e ardhshme”, përfundon Mustafa./Periskopi/